Fjordamattunet DA • Støfringsdal, 6847 Vassenden • Tel: 57 72 71 43 / 951 46 531 • E-post: kari@fjordamattunet.no • Orgnr: 992 989 947
KURS OG OPPLEVING
Dersom de er ei gruppe som ynskjer kurs eller ei oppleving i bakstehuset tek de kontakt på e-post eller telefon for å avtale tid og opplegg, eller de kan nytte skjemaet på kursoversikta.
Når du som enkeltperson ynskjer å melde deg på kurs nyttar du skjemaet på kursoversikta, eller sender e-post til kari@fjordamattunet.no eller ringer 95146531. Kurset vil verte arrangert når gruppa er høveleg stor.
Ynskjer de å gje nokon eit kurs eller ei oppleving i Fjordamattunet som gåve til jul, gebursdag, bryllaup eller i andre høve, kan de bestille gåvekort her.
|
| Planlagde kurs hausten 2011 |
|
 |
 Eg arrangerer nokre kurs der dato og tema er bestemt. Dette er kurs som er opne for alle interesserte, og som enkeltpersonar kan melde seg på. På kursoversikta finn de liste med datoar, emne og pris. De melder dykk på ved å sende e-post, ringe eller bruke skjemaet på kursoversikta.
|
| Opplevingsbakst |
|
|
|
Opplevingsbakst i vedfyrt bakaromn og på helle. Bakaromnen er samlingspunkt og trivselsfaktor og har vore fyrt i 3 – 4 timar før de kjem, slik at den er klar til steiking. Bakstehuset er ein møteplass for vener, familie, organisasjonar, kollegaer eller bedrifter. Ein stad der ein kan samlast om å bake tradisjonell bakst og så setje seg rundt langbordet til eit felles måltid med resultatet av baksten. Bakaromnen har òg grue, slik at om det er kaldt og surt ute kan ein tenne eit lite bål i grua. På den gamle støypejarnskomfyren står det vaffeljarn som det kan fyrast under. Vaflane òg blir ekstra gode med varme frå ved.
Kurs i bakst
|
|
|
|
Kurs i bakst for dei som skal starte med eller driv med sal av bakst og/eller serveringsbedrifter. Desse kursa er i samarbeid med Norsk Gardsmat og Bygdeturisme (NBG) Sogn og Fjordane og andre kursarrangørar. Eigne prisar og opplegg for kurset alt etter kursdeltakarane sine behov.
Matkurs/servering
|
|
|
|
Matkurs det vere seg å lære å lage heimelaga kjøtkaker, dampepølse eller spekepølse, pålegg til jul, silderettar, rå saft eller hermetisere pære og plomme. Tradisjonsmat som rømmegraut og gombe kan ein òg få lære. På kjøkkenet er det òg ein moderne komfyr som ein brukar til denne typen kurs, og utstyr til pølselaging, pressing av råsaft og tørking av sopp eller eple. Er de ei gruppe som ynskjer slike kurs, så ta kontakt for nærmare avtale og pris.
|
